Sa lawig ko nga halambalon
May ara pa ko nalimtan isugpon

Maski layuay ta sa amo ni nga tinion
Tani ang pagkahidlaw imo gid agwantahon

Ano man kalawig sang panahon
Ang Pagpalangga ko ikaw lang ga angkon

Sa kada adlaw nga ga padayon
Ikaw gusto ko nga lubos kilalahon

Ang imo batasan tani akon ma angdan
Ang imo paminsaron gusto ko kabisaduhon

Para sa ulihi nga kun ang aton relasyon
swertehon nga madayon
Akon ka pirmi maintindihan
Kag wala na kita sang awayan

Kuun ako ma tup-an sang kamalasan
Kag ako imo sakiton o bayaan
Dumduma sa imo pagtalikod
Dala sang imo mga kamot ang akon kalipayan
Kag ang narumpag ko nga kalibutan

Ano man akon kakulangan
Na mag hatag sang rason sa imo na ako bayaan
Makasigurado ka akon ina tanan hinulsulan.

Pasensiya gid kun naistorbo ko imo katulugon
Sa amo ni nga tinion gusto ko lang ipabalo sa imo akon balatyagon
Ang imo katahum ara pirmi sa akon paminsaron
Daku gid akon pasalamaton sa pagbaton mo sa akon

Ang imo pagpalangga naga panami sang akon balatyagon
Ang imo yuhom wala naga kupas ano ko man kalawig tulukon

Halin sa imo wala may ma agaw sa akon
Kabay pa amo ka man sa akon kag
ang akon kakulangan imo man intindihon

Kahapon, kaina, subong, karon:
Maski ano nga panahon wala ka gid rason mangimon

Maski ako imo awayon,
Imo masaligan, diin man ko sa kalibutan
Ikaw man gyapun akon palanggaon

Ang katam-is ko sa imo akon tinguhaon nga indi madula sang panahon
Para malipay ka pirmi kun ako imo updon.